Keçid linkləri

logo-print
2016, 03 Dekabr, şənbə, Bakı vaxtı 21:43
-
İyunun 12-də saat 18:00-də Akademik Milli Dram Teatrında görkəmli teatr və kino aktyoru, Respublikanın Xalq Artisti Ağahüseyn Cavadovun 120 illik yubileyinə həsr olunmuş xatirə gecəsi keçiriləcək.

Teatrın mətbuat xidmətinin AzadlıqRadiosuna verdiyi xəbərə görə, teatrın foyesində baş tutacaq gecənin rejissoru və ssenari müəllifi Loğman Kərimov, aparıcısı sənətşünaslıq doktoru, professor Məryəm Əlizadədir.

Tədbirdə görkəmli aktyorun çəkildiyi «Bəxtiyar», «Sehrli xalat», «Bir qalanın sirri», «Əhməd haradadır?», «Qızmar günəş altında» filmlərdən fraqmentlər nümayiş olunacaq, aktyorlar, sənətşünaslar sənətkar haqqında fikirlərini bölüşəcəklər.

Gecədə GülyanaqGülyaz Məmmədova bacılarının və Anar Şuşalının ifasında müxtəlif musiqi parçaları da səslənəcək.

Mahir komediya ustası Ağahüseyn Xəlil oğlu Cavadov 22 aprel 1894-cü ildə Bakının yaxınlığındakı Xırdalan qəsəbəsində doğulub.

Əvvəl mollaxanada təhsil alan Ağahüseyn 1919-cu ildə «Səadət» məktəbini bitirib.

Ağahüseyn Cavadov 1920-ci ilin iyunundan müəyyən fasilələrlə Milli Dram Teatrında işləyib.

Milli Dram Teatrının səhnəsində çoxsaylı obrazlar yaradıb.

Ağahüseyn Cavadov «Bəxtiyar» (Rza), «Qızmar günəş altında» (Pirioğlu), «Əhməd haradadır?» (Əhməd kişi), «O olmasın, bu olsun» (Bəy), «Bir qalanın sirri» (Rəmmal), «Sehrli xalat» (Vəzir), «Görüş» (Əbülfəz), «Şərikli çörək» (Xırdavatçı) və digər filmlərə çəkilib.

Ustad aktyor 1981-ci il iyulun 20-də Bakıda vəfat edib.

Günün bütün mövzuları

XS
SM
MD
LG