Keçid linkləri

2016, 08 Dekabr, Cümə axşamı, Bakı vaxtı 18:13
-
Ötən ay AzadlıqRadiosunun «İZ» proqramında 1914-cü ildə yaranan, istər bütövlükdə Azərbaycanın, istərsə cümhuriyyətin hərb tarixində önəmli yer tutan «Tatar Atlı Alayı»ndan bəhs edən kitabdan söz açmışdıq.

O zamanlar adı dillərdə gəzən bu alay I Dünya Müharibəsində, əsasən, azərbaycanlılardan ibarət yeganə milli hərbi hissə olub.

1917-ci ildə imperiya parçalananda, bir çox alaylar dağılıblar, amma «Tatar Alayı» tam halda Qafqaza, Tiflisə qayıdıb.

Alay Rusiyadakı inqilab və vətəndaş müharibəsində iştirakdan imtina edib.

Azərbaycan Cümhuriyyəti qurulanda bu alay, Qafqaz İslam Ordusunun ən döyüşkən süvari hərbi hissəsi və Azərbaycan Ordusunun ilk hərbi birləşməsi olub.

Azərbaycan Cümhuriyyətinin elan olunduğu 28 Mayısda - Tiflisdə İstiqlal Bəyannaməsi qəbul ediləndə, bu alay binanın həyətində cümhuriyyətçiləri qoruyub...

Bu günlərdə Milli Tarix Muzeyinin əməkdaşı «Azərbaycanlılar I Dünya Savaşı cəbhələrində: Tatar Atlı Alayı» («Азербайджанцы на фронтах Первой мировой войны: Татарский конный полк») kitabının müəllifi Səbuhi Əhmədovdan maraqlı şəkillər almışıq.

Tarixçi alim alayın tarixini araşdırmaqla qalmadığını, bu alayı təbliğ etməyə davam etdiyini bizə yazıb.

Səbuhi bəy kütləvi tədbirlərdə, konfranslarda, təqdimatlarda «Tatar Atlı Alayı»nın geyimində görünür və bunu «Tatar Atlı Alayı»nı tanıtmağın ən yaxşı üsulu kimi qiymətləndirir.

«Tatar Alayı» bax, belə tanıdılar!

Tarixçi alimin göndərdiyi fotoları sizə təqdim edirik.

Şərhləri göstər

XS
SM
MD
LG