Keçid linkləri

2016, 10 Dekabr, şənbə, Bakı vaxtı 20:39

Azərbaycanda 2012-ci ildə anadan olan qızlar 75, oğlanlar 69 il yaşamalıdır


“Dünya Səhiyyə statistikası 2014”-ə görə dünyanın hər yerində ömrün uzunluğu artır.
Dünya üzrə orta göstəriciləri götürəndə, 2012-ci ildə anadan olmuş qız təxminən 73 il , 2012-ci ildə anadan olan oğlan isə 68 il yaşayacaq.

Dünya Səhiyyə təşkilatının mayın 15-də yaydığı hesabat ömrün uzanmasında 1990-cı ildən bəri böyük sıçrayıçın olduğunu vurğulayır.
1990-cı ildən 2012-ci ilə kimi keçən dövrdə dünya üzrə orta ömrün uzunluğu 9 il artıb.

2012-ci ildə anadan olan qızlar arasında ən çox yaşayan Yaponiya qızları olacaq – 87 il.
Yaponiyadan sonra ən çox yaşayan İspaniya, İsveçrə, Sinqapur qızları olmalıdır.

2012-ci ildə anadan olan oğlanlar arasında ən çox yaşayanlar İslandiyada olmalıdır – 81 il. Sonrakı yerlərdə İsveçrə, Avstraliya gəlir.

Hesabatda Azərbaycan barədə deyilir ki, 2012-ci ildə Azərbaycanda anadan olan qızlar 75 il, oğlanlar 69 il yaşamalıdır.

Ermənistanda kişilərin ömrü Azərbaycandakından 2 il az gözlənilir – 67 il. Qadınların ömrü isə Azərbaycandakı kimidir.

Dünya Səhiyyə Təşkilatı 2012-ci ildə 1 yaşadək uşaqlar arasında ölüm staistikasını da verir.
Azərbaycanda hər 1000 uşaqdan 31-i 1 yaşadək yaşamır. Müqayisə üçün, Ermənistanda hər doğulan 1000 uşaqdan 15-, Rusiyada 9-u, Belarusda isə 4-ü 1 yaşadək yaşamır.

Günün bütün mövzuları

XS
SM
MD
LG