Keçid linkləri

2016, 08 Dekabr, Cümə axşamı, Bakı vaxtı 06:21

Tikintidən rüşvətə görə keçmiş baş nazirə 6 il həbs cəzası kəsildi



İsrailin sabiq baş naziri Ehud Olmert 6 il azadlıqdan məhrum edilib. O, tikinti layihələrinə icazə verib qarşılığında rüşvət almaqda günahkar bilinib.

Hakim bildirib ki, Olmert 2 müxtəlif tikinti şirkətindən rüşvət alıb. Qüdsdə mənzil kompleksi tikən şirkət Olmertə 500 min şekel, yəni təxminən 144 min dollar rüşvət verib, başqa bir tikinti şirkəti isə 17 min dollar. .

Olmert ittihamı qəbul etmir.

68 yaşlı Ehud Olmert 2006-2009-cu illərdə İsrailin baş naziri olub.

İsrail tarixində ilk dəfədir ki, baş nazir olmuş şəxsi belə cəzalandırırlar.

Tikinti şirkətindən rüşvəti isə Olmert Qüdsün meri olanda alıb.

Bundan sonra baş nazir olan Olmert həmin ittihamlar görə baş nazirlikdən istefa verməyə məcbur oldu.

Şərhləri göstər

XS
SM
MD
LG