Çin Vyetnamın iddialı olduğu sularda neft quyusu qazır

Cənub –Şərqi Asiya ölkələrininin – ASEAN-ın liderləri Cənubi Çin dənizində ərazi mübahisələrinin qızışmasından narahatlıq bildirir.

Narahatlığa səbəb Vyetnamın iddia etdiyi sularda Çinin neft quyusu qazmasıdır.
ASEAN ölkələri tərəfləri gücdən istifadədən çəkinməyə çağırır.

Çin demək olar ki, bütün Cənubi Çin dənizinə iddia edir.

Dənizin müxtəlif hissələrinə isə Vyetnam, Bruney, Filippin, Malayziya iddia edir. Tayvan da iddiaçılar arasındadır.