Keçid linkləri

logo-print
2016, 03 Dekabr, şənbə, Bakı vaxtı 19:44
Cəlilabadın Göytəpə kənd sakini Ələsgər Xanlarov AzadlıqRadiosunun “Qaynar xətt”inə şikayət edib ki, yaşadığı Axundov küçəsinə maye qazı qətrə-qətrə verirlər. Küçə sakinləri qaza həsrətdilər. Arabir sakinlərin əsəbləri coşanda Cəlilabad rayon Qaz İstismar Sahəsinə üz tuturlar. Nəticəsi də bu olur ki, küçəyə 2-3 günlük qaz verilir. Ancaq ara sakitləşən kimi qaz yenə qeybə çəkilir:

Ələsgər Xanlarov:

“Küçəmizdə qaz zəif gəlir, bir dənə qazpaylayıcı qurğu qoyublar, hər gələn paylayıcıdan qazın təzyiqini azaldır gedir. Şikayət elədik, ərizəylə müraciət elədik, gətirdilər qazpaylayıcı qoydular. 15-20 gündür qoyulub, ancaq yenə 2 gündür qaz yoxdur. Bizim küçənin adamları əziyyət çəkirlər”.

Şikayətçinin sözlərinə görə, əslində əziyyət çəkmələrinə səbəb odur ki, rayon mərkəzinə gedən qaz borusunda təzyiqi artırmaq üçün kəndə qaz verilişini tez-tez dayandırırlar. Yəni rayon mərkəzində yaşayanları kəndlilərin soyuqdan donmaları hesabına isindirirlər:

"QAZ ELƏ GÖYTƏPƏDƏN KEÇİB GƏLİR Kİ..."

“Qaz xətti bizim kənddən keçib rayona gedir. Ümumi qaz borusundan kəndə dönən xətti bağlayanda rayona çox qaz gedir. Ona görə də tez-tez bizim xətti bağlayırlar”.

Cəlilabad rayon Qaz İstismar Sahəsindən isə deyilənləri təəccüblə qarşılayırlar:

- Qaz elə Göytəpə tərəfdən gəlir ki...

- Şikayətçi də bunu deyir. Ancaq onun deməsinə görə, ümumi xətdən kəndə gedən xətti bağlayırlar ki, mərkəzə qaz daha təzyiqli verilsin.

- Qəti elə şey yoxdur, o kəndə xidmət göstərənlər özləri elə o kənddə, həmin deyilən küçələrdə yaşayan adamlardır. Siz dediyiniz küçədə qazda heç bir problem yoxdur. Yazanın imzası var orda? Gəlsin yanıma, problemi varsa həll edək.

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG