Keçid linkləri

2016, 08 Dekabr, Cümə axşamı, Bakı vaxtı 20:21
-
Azərbaycan Dövlət Musiqili Teatrı repertuarında olan məşhur «Evlənmə» (N. Qoqol) tamaşasındakı aparıcı rolu - Aqafya Tixonovnanı yeni aktrisa canlandıracaq.

Bundan sonra Aqafya Tixonovna rolunda, «İlin ən yaxşı aktrisası» adını qazanmış Gültac Əlili çıxış edəcək.

Azərbaycan Dövlət Musiqili Teatrının Mətbuat Xidmətindən AzadlıqRadiosuna verilən xəbərə görə, aktrisa bu rolda ilk dəfə mayın 2-də səhnəyə çıxıb.

N. Qoqolun «Evlənmə» tamaşasında Aqafya Tixonovna rolunu əvvəllər xalq artisti Məleykə Əsədova oynayıb.

Azərbaycan Dövlət Musiqili Teatrının aktrisası Gültac Əlili Mədəniyyət və İncəsənət Universitetinin «Musiqili teatr» aktyorluğu fakültəsini bitirib.

Gültac Əlili, «Kimdir müqəssir?» (Ə. Haqverdiyev) komediyasındakı Bahar roluna görə, 2013-cü ildə Gənclər və İdman Nazirliyinin «İlin ən yaxşı aktrisası» mükafatına layiq görülüb.
XS
SM
MD
LG