Keçid linkləri

logo-print
2016, 04 Dekabr, bazar, Bakı vaxtı 04:02
-

Bu şeir "Ədəbi Azadlıq-2014" müsabiqəsinin münsiflərindən bal alsa da, bu, 20-liyə keçmək üçün yetərli olmayıb.


Elşad Səfixanov


Bir fahişənin gündəliyi...


Məni görüb düşüncələrinə qəm yedirtmə, ana
Qızın göründüyü qədər hüznlü deyil...
Hər kəs layiq olduğu həyatı yaşayır deyirlər...
Mən də yaşayışıma həyat qatmaq istədim.
Nələr yaşadımsa əvvəl-əvvəl saflığımdan, paklığımdan
Sonra... sonra isə paksızlığımdan yaşadım...
Şansızlığımdan yaşadım, ana...

Həyatıma girənlər
inamsız addımlarla
ürəyimə ayaq basdılar, ana...
Nə sevəcək bir ürək vardı yanlarında,
nə də sevgimi söykəyə biləcək bir çiyin...
çox balaca idi verdikləri ümüd...
mənə isə sən öyrətmişdin
azdan çox etməyi, yoxdan var etməyi.
O kiçicik işartılarla qocaman xəyallar qurdum, məsələn,
verdikləri bir azacıq sevgini çox böyütdüm gözümdə.
Yalnızlığımı vağzalı zümzüməsilə gəlinlik bilib əynimə biçdim...

Səbr etməyi öyrətmişdin, ana,
Var olduğumu hiss etdirəcək qədər
ancaq bezdirməyəcək qədər gözlətdim duyğularımı bir kənarda.
səssizcə, ümüdlə, səbrlə, səbrsiz...
mənə buraxdıqları ümüd qırıntıları ilə gələcək qurdum
dizlərimi qucaqlayaraq...
ürəyimi müxtəlif zamanda müxtəlif adlarla bəzəməli oldum...
tək bir istəyim vardı həmişə
mənə gəldiklərində, ürəkləri də baxışları da təmizlənmiş olsun
vücudum kimi, könlüm də əzizlənmiş olsun...

Nə istəyirdim axı...?
Bir ovuc tutumluq sevgi,
bir az sadaqət və...və
ala bildiyim qədər dürüstlük!
çox gözəl bir eşq çıxacaqdı ortaya.
- ortalıqda qaldım, ana... ortalıqda
Yanımda çoxları göründü
Sahib çıxan olmadı...
əlimi ehtirasla tutan oldu,
məhəbbətlə sıxan olmadı

Gözlədiyim ya heç gəlmədi,
Gəldisə də gözləmədiyim tərəfdən yaxınlaşdı.
Duyğularım korşaldıqca həya hissim incəlirdi,
ancaq onlara qarşı həyasız ola bilmədim...
vicdanları və ürəkləri dünəndə qalaraq gəldilər,
bu gün üçün yaşadılar, sabahlarını itirərək getdilər.
Qismətimin də harda itdiyini,
kiminlə getdiyini çox düşündüm, ANA !
yadıma düşmədi...
Ismətimin kiminlə getdiyini isə hər ötən gün daha tez-tez xatırlayıram...

Günün bütün mövzuları

Şərhləri göstər

XS
SM
MD
LG