Keçid linkləri

2016, 07 Dekabr, çərşənbə, Bakı vaxtı 15:00

İsrail XİN: «Azərbaycana öz evimə gəldiyim kimi gəlirəm»


Avigdor Lieberman

Avigdor Lieberman

«Bu mənim Azərbaycana beşinci səfərimdir. Bura öz evimə gəldiyim kimi gəlirəm».
APA-nın məlumatına görə, bunu Azərbaycanda səfərdə olan İsrailin xarici işlər naziri Avigdor Lieberman Azərbaycan xarici işlər naziri Elmar Məmmədyarovla görüşdən sonra deyib.

O, Azərbaycanla İsrail arasında sıx münasibətlərin olduğunu diqqətə çatdırıb: «Biz ikitərəfli əməkdaşlığın bir sıra sahələrini, əsasən də iqtisadiyyat, ictimai diplomatiya sahələrini müzakirə etdik. Azərbaycanda bizim üçün vacib olan məsələ burada yəhudilərin yaşaması, yəhudi icmasının olmasıdır. Bu icma iki ölkə arasında körpü rolunu oynayır».

İsrailli nazir Azərbaycan prezidenti İlham Əliyevlə İsrail prezidenti Shimon Peres və baş nazir Binjamin Netanyahu arasında görüşlərdən məmnun olduqlarını qeyd edib:

«O cümlədən ötən il mənim azərbaycanlı həmkarımın İsrailə səfəri oldu. Həmin görüşdə bir sıra qarşılıqlı maraq kəsb edən sahələri müəyyənləşdirdik. Bunlardan bir hissəsini biz artıq bu gün reallaşdırırıq. Yenə də qeyd edirəm ki, iki ölkə arasında əlaqələrin ən vacib sahəsi yüksək texnologiyalar, energetika və kənd təsərrüfatı sahələri müzakirə edilir. Bu görüşə kimi mən Azərbaycan prezidenti ilə çox vacib, maraqlı görüş keçirdim. Mən bu cür ikitərəfli razılaşmalardan məmnunam».

Günün bütün mövzuları

XS
SM
MD
LG