Keçid linkləri

2016, 09 Dekabr, Cümə, Bakı vaxtı 10:20

Prezident maaşı: Obama 26 133, Əliyev 15 000, Rouhani 950 manat alır (İnfoqrafika)


.
PREZİDENTLƏRİN "QURU MAAŞI"
Dünyada özünü demokratik adlandıran ölkələrin əksəriyyətində prezidentlər öz gəlirləri barədə vətəndaşlara məlumat verirlər. Əksər hallarda onların qazancının yalnız maaşı olduğu polemika mövzusuna çevrilir. Amma necə olsa da azı ildə bir dəfə vətəndaş prezidentinin "quru maaşı"nı öyrənə bilir.

Məsələn, bu yaxınlarda Rusiya prezidenti Vladimir Putin bəyan edib ki, 2013-cü ildə aya 6 716 manat qazanıb.

AzadliqRadiosu açıq mənbələrdə Azərbaycanın qonşuları və bir neçə böyük dövlətin prezidentinin maaşlarını araşdırıb.

Məlum oldu ki, Ermənistan prezidenti Serzh Sargsyan aya 2 554, Türkiyə prezidenti Abdullah Gül 13 640, Gürcüstan prezidenti Giorgi Margvelashvili isə 3 100 manat alır. Maaşın məbləği sarıdan Azərbaycan prezidenti İlham Əliyev regionda liderdir – 15 000 manat.
MİNİMUM ƏMƏKHAQQI İLƏ PREZİDENT MAAŞLARININ MÜQAYİSƏSİ
Amma prezidentlərin maaşını onların öz ölkələrdəki minimum əməkhaqları ilə müqayisə edəndə mənzərə xeyli dəyişir.

Məsələn, Çində minimum əməkhaqqı təxminən 229 manatdır. Bu ölkənin prezidenti Xi Jinping-un maaşı isə 1 241 manatdır. Yəni, Çinin prezidenti öz ölkəsindəki minimum əməkhaqqından 5.4 dəfə çox pul alır.

Bu müqayisəni davam etdirərək aşağıdakı infoqrafikanı hazırlamışıq: (Geniş formasına baxmaq üçün şəklin üstünə vur)
MAAŞDAN İMTİNA EDƏN PREZİDENT
Maaş sarıdan ABŞ prezidenti Barack Obamaya çatan yoxdur. Onun əməkhaqqı təxminən ayda 26 133 Azərbaycan manatıdır.

Araşdırma zamanı məlum oldu ki, İranın prezidenti Hassan Rouhani ümumiyyətlə prezident maaşından imtina edib. Özündən əvvəlki prezident Mahmud Ahmadijead-ın qoyduğu ənənəni davam etdirən Hassan Rouhani universitet professor olduğunu və professor kimi aldığı 950 manatla bir aylıq xərclərini ödədiyini bildirir.

Ölkəsindəki minimum əməkhaqqı ilə aldığı maaş arasında fərqə görə tərtib olunan siyahıya Azərbaycan prezidenti İlham Əliyev rəhbərlik edir. Onun maaşı Azərbaycanda ən aşağı əməkhaqqından (105 manat) 143 dəfə çoxdur.

Siyahının sonunda isə İran Prezidenti Hassan Rouhani gəlir. O, prezident kimi maaş almasa da professor kimi əməkhaqqı ilə dolandığını deyir. Və onun professor maaşı İranda minimum əməkhaqqından 5 dəfə yuxarıdır.

Günün bütün mövzuları

Şərhləri göstər

XS
SM
MD
LG