Keçid linkləri

2024, 28 Mart, Cümə axşamı, Bakı vaxtı 15:39

«Min bir gecə» Çuvaş Dövlət Opera və Balet Teatrında göstərilib


Arxiv fotosu: "Min Bir Gecə" baletindən səhnə
Arxiv fotosu: "Min Bir Gecə" baletindən səhnə
-
Rusiyanın Çuvaşiya Respublikasında keçirilən XVIII Beynəlxalq Balet Festivalı aprelin 22-də böyük Azərbaycan bəstəkarı Fikrət Əmirovun “Min bir gecə” baletinin nümayişi ilə açılıb.

Bakı şəhər Mədəniyyət və Turizm İdarəsinin yaydığı xəbərə görə, Azərbaycan bəstəkarının bu misilsiz əsərinin Çuvaşiya Dövlət Opera və Balet Teatrında premyerası baletmeyster və libretto müəllifi David Avdış (Sankt Peterburq), quruluşçu rəssam Anna Ustinovanın (Sankt Peterburq) təqdimatında böyük anşlaqla baş tutub.

Tamaşanın xormeysteri Lyubov Kazanseva, quruluşçu dirijoru Çuvaşiyanın əməkdar incəsənət xadimi Olqa Nesterova, bədii rəhbəri beynəlxalq müsabiqələr laureatı Danil Salimbaevdir.

Aprelin 24-də Fikrət Əmirovun “Min bir gecə” baleti festival çərçivəsində təkrar nümayiş etdirilib.

Festivalın proqramına Corc Bayronun eyniadlı poeması əsasında səhnələşdirilmiş “Korsar”, Pyotr Çaykovskinin “Sonalar gölü” tamaşaları da daxil edilib.

XVIII Beynəlxalq Balet Festivalı aprelin 26-dək davam edəcək.

Sonuncu gün böyük qala konsertin olacağı xəbər verilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG