Keçid linkləri

2024, 28 Mart, Cümə axşamı, Bakı vaxtı 17:19

Şpaqatlı inkişaf


Şerif. Karikatura
Şerif. Karikatura
-

"Ədəbi Azadlıq-2014" müsabiqəsinin Şeir 20-liyindən


Bəxtiyar Hidayət


Müsbət nəticələr

Qara qızıl turba-turba
Ağ qızıl torba-torba

Ağ-qara dəyənəklər, zərbə, zərbə
Vuranlar zorba- zorba
Dəhşət nəticələr var

Burda çörəkdən ötrü ölürük
Suriyada ərəbdən ötrü ölürük
Eh Babək,
Müsibət nəvələr var,
Müsibət nəticələr var

Mətbuat 18+
Siyasət 90+
Yox, insaf da yaxşı şeydi
Müsbət nəticələr var


ŞPAQATLI İNKİŞAF

Daha ondan da uzaq dur,
Gəl sənə tanıdım onu,
Hind kinolarının əhatə dairəsində böyüdü o,
Gah Şaka oldu, gah Cimi
O vaxtlar ən çox oxuduğu mahnı da buydu:
-Cimi, Cimi, Cimi, aca, aca, aca...

Sonra böyüdü, hərəkata qoşuldu,
Meydanlarda ”azadlıq, azadlıq” deyə hayqırdı
Sərməst oldu
Azadlıq şərbətin içə-içə

Sonra müxalifətçi oldu
Yenə də hayqırdı meydanlarda:
-iş verin işsizə, çörək verin aca, aca, aca

Sonra onda iqtidara meyllilik hiss olundu
Sanki maviliyə meyllilik hiss olunurmuş kimi
Şübhələri çəkdi özünə
Və almadı heç nəyi də vecə, vecə, vecə.

İndi milli birlik haqda oxuduqlarına baxma
Indi o daha qorxuludu
Adam inkişaf eləyib
bir ayağı orda, bir ayağı burda
Hind fəndlərindən Çin fəndlərinə keçib
Təpikləyib qıracaq hamımızı bu zalım
Şpaqat aça-aça.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG