Keçid linkləri

logo-print
2016, 04 Dekabr, bazar, Bakı vaxtı 03:58

BMT-nin Təhlükəsizlik Şurası Ukrayna toplantısı keçirib


Ukraynanın baş naziri BMT-nin Təhlükəsizlik Şurasının iclasında

Ukraynanın baş naziri BMT-nin Təhlükəsizlik Şurasının iclasında

-
BMT-nin Təhlükəsizlik Şurası Ukraynanın şərqində böhranın güclənməsinə dair fövqəladə iclas keçirib. İclası Rusiya çağırıb. Bundan əvvəl Ukraynanın hazırkı prezidenti Oleksandr Turchynov rusiyayönlü separatçılara aprelin 14-də Bakı vaxtıyla səhər 11-dək vaxt verib. Onlara silahlarını təhvil vermək və ölkənin şərqində tutduqları bir neçə hökumət binasını boşaltmaq əmri verilib.

Əks halda ordunun iştirakıyla “geniş miqyaslı anti terror əməliyyatı” gözlənir.

Rusiyanın səfiri Vitaly Churkin Şuraya bildirib ki, Ukraynanın elanından narahatdır. Churkin bəyan edib ki, “Kiyev Ukraynanın şərqində gücdən istifadəni dayandırmalı və əsl dialoqa başlamalıdır”.

Ancaq ABŞ-ın BMT-dəki səfiri Samantha Power söyləyib ki, Ukraynadakı sabitsizlik “tam şəkildə insan tərəfindən yaradılıb”, “Rusiya tərəfindən yazılıb və idarə olunub”.

Ukraynanın BMT-dəki səfiri Yuriy Sergeyev bildirib ki, böhranı Rusiya süni şəkildə yaradıb və Moskvanı “Ukraynanın ərazi bütövlüyünə zərbə vuran hərəkətlərə dərhal son qoymağa çağırıb”.
XS
SM
MD
LG