Keçid linkləri

2016, 11 Dekabr, bazar, Bakı vaxtı 12:03

Viktor Yanukovich: “Ukraynada baş verənlərdə ABŞ-ın əli var”


Viktor Yanukovich

Viktor Yanukovich

-
Ukraynanın prezidenti vəzifəsindən kənarlaşdırılan Viktor Yanukovich hərbi qulluqçuları “cinayətkar tələbləri” yerinə yetirməməyə və Ukrayna xalqına atəş açmamağa çağırıb. İtar-Tass agentliyinin məlumatına görə, keçmiş ölkə başçısı bazar günü axşam Rostov-na Donda çıxış edib.

Yanukovich onu da deyib ki, ölkənin hazırki hakimmiyyəti baş verənlərə görə cinayət məsuliyyəti daşıyacaq. Eks prezident qeyd edib ki, Ukrayna vətəndaş müharibəsinə bir ayaq üstə başlayıb və bu gün ölkə üçün seçkidən daha çox dialoq vacibdir. O, bildirib ki, ABŞ Ukraynada baş verənlərlə birbaşa əlaqəlidir və onların “vətəndaş müharibəsinin həllində öz məsuliyyət payları var”.

Viktor Yanukovich prezident vəzifəsindən fevralın 22-də Ukrayna Ali Radası tərəfindən kənarlaşdırılıb. Bundan sonra o, ölkəsindən qaçıb, haırda Rusiyadadır. Ukraynanın hazırki hakimiyyəti eks-prezidenti Kiyevdə kütləvi etirazlar zamanı vətəndaşların öldürülməsində və konstitusiyanı pozmaqda günahlandırır.

Şərhləri göstər

XS
SM
MD
LG