-
Şirvanşahlar Sarayı Kompleksi Dövlət Tarix-Memarlıq Qoruq Muzeyinin ekspozisiyası yenidən qurulub.
Bakı şəhər Mədəniyyət və Turizm İdarəsinin yaydığı xəbərə görə, yeni ekspozisiyada ayrı-ayrı fondlarda saxlanılan dəyərli maddi-mədəniyyət nümunələri nümayiş olunur.
DÜNYA STANDARTLARINA UYĞUN MÜASİR MUZEY EKSPOZİSİYASI
Şirvanşahlar Sarayı Kompleksi tarixində ilk dəfə qonaqları dünya standartlarına cavab verən müasir muzey ekspozisiyası ilə qarşılayır.
Ekspozisiyanın hazırlanması prosesində abidənin tarixi, memarlıq xüsusiyyətləri, saray həyatı və burada yaşamış hökmdarlar haqqında elmi tədqiqatlar aparılıb, müvafiq məlumatlar toplanaraq sistemləşdirilib.
Ekspozisiyanın yaradılmasına yerli və xarici mütəxəssislər cəlb olunub.
KEÇMİŞ QORUNUB, MÜASİR ELEMENTLƏR ƏLAVƏ OLUNUB
Ekspozisiyada keçmişi qorumaqla müasir elementlərdən də istifadə edilib.
Bu məqsədlə videoproyeksiya, animasiyalı multimedia, audio və video təqdimatlardan da geniş istifadə olunub.
Qonaqlar ilk dəfə multimedia bələdçilərindən faydalana bilirlər.
Muzeydə dövrün şəhər memarlığı, etnoqrafiya, musiqi, xəttatlıq, arxeologiya kimi maraqlı mövzular da təqdim olunur.
3D FORMATLI TAXTIN ELEKTRON GÖRÜNÜŞÜ
Bundan əlavə, taxt-tac salonunda 3D formatında taxtın elektron görünüşü vardır.
Yaxın vaxtlarda taxtın maketi də hazırlanıb qoyulacaq.
Ekspozisiyanın təqdimatı, muzeydə nümayiş olunan eksponatlar və videomateriallar Şirvanşahlar dövründəki ab-havanı, interyer elementlərini təsəvvür etməyə imkan yaradır.
KOMPLEKS GENİŞLƏNDİRİLİB—ANİMASİAYALI MODEL MARAQ DOĞURUR
Yeni muzey ekspozisiyası, eləcə də, Saray Kompleksinin ikimərtəbəli yaşayış binasının əvvəllər bura gələnlər üçün bağlı olan aşağı mərtəbəsini də əhatə edir.
Burada təqdim olunan Şirvanşahların məişət tarixinin həcmli animasiyalı modeli muzeyə gələnlərdə xüsusi maraq doğurur.
Muzey ekspozisiyasının hazırlıq mərhələsində Saray Kompleksinə daxil olan yaşayış binasının divarlarının əzəli daş hörgüsü də bərpa edilib, ərazidə abadlıq işləri aparılıb.
Şirvanşahlar Sarayı Kompleksi Dövlət Tarix-Memarlıq Qoruq Muzeyinin ekspozisiyası yenidən qurulub.
Bakı şəhər Mədəniyyət və Turizm İdarəsinin yaydığı xəbərə görə, yeni ekspozisiyada ayrı-ayrı fondlarda saxlanılan dəyərli maddi-mədəniyyət nümunələri nümayiş olunur.
DÜNYA STANDARTLARINA UYĞUN MÜASİR MUZEY EKSPOZİSİYASI
Şirvanşahlar Sarayı Kompleksi tarixində ilk dəfə qonaqları dünya standartlarına cavab verən müasir muzey ekspozisiyası ilə qarşılayır.
Ekspozisiyanın hazırlanması prosesində abidənin tarixi, memarlıq xüsusiyyətləri, saray həyatı və burada yaşamış hökmdarlar haqqında elmi tədqiqatlar aparılıb, müvafiq məlumatlar toplanaraq sistemləşdirilib.
Ekspozisiyanın yaradılmasına yerli və xarici mütəxəssislər cəlb olunub.
KEÇMİŞ QORUNUB, MÜASİR ELEMENTLƏR ƏLAVƏ OLUNUB
Ekspozisiyada keçmişi qorumaqla müasir elementlərdən də istifadə edilib.
Bu məqsədlə videoproyeksiya, animasiyalı multimedia, audio və video təqdimatlardan da geniş istifadə olunub.
Qonaqlar ilk dəfə multimedia bələdçilərindən faydalana bilirlər.
Muzeydə dövrün şəhər memarlığı, etnoqrafiya, musiqi, xəttatlıq, arxeologiya kimi maraqlı mövzular da təqdim olunur.
3D FORMATLI TAXTIN ELEKTRON GÖRÜNÜŞÜ
Bundan əlavə, taxt-tac salonunda 3D formatında taxtın elektron görünüşü vardır.
Yaxın vaxtlarda taxtın maketi də hazırlanıb qoyulacaq.
Ekspozisiyanın təqdimatı, muzeydə nümayiş olunan eksponatlar və videomateriallar Şirvanşahlar dövründəki ab-havanı, interyer elementlərini təsəvvür etməyə imkan yaradır.
KOMPLEKS GENİŞLƏNDİRİLİB—ANİMASİAYALI MODEL MARAQ DOĞURUR
Yeni muzey ekspozisiyası, eləcə də, Saray Kompleksinin ikimərtəbəli yaşayış binasının əvvəllər bura gələnlər üçün bağlı olan aşağı mərtəbəsini də əhatə edir.
Burada təqdim olunan Şirvanşahların məişət tarixinin həcmli animasiyalı modeli muzeyə gələnlərdə xüsusi maraq doğurur.
Muzey ekspozisiyasının hazırlıq mərhələsində Saray Kompleksinə daxil olan yaşayış binasının divarlarının əzəli daş hörgüsü də bərpa edilib, ərazidə abadlıq işləri aparılıb.
