Keçid linkləri

logo-print
2016, 03 Dekabr, şənbə, Bakı vaxtı 04:34
-
Balakən rayon Polis İdarəsinin İtitala və Kortala kəndləri üzrə sahə müvəkkili, polis kapitanı Vüqar Filiyev saxlanıb.

Onun Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həyata keçirilən xüsusi əməliyyat zamanı saxlandığı bildirilir.

Məlumata görə, əməliyyatçılar Vüqar Filiyevi Balakən şəhəri ərazisində yerləşən yanacaqdoldurma məntəqəsinin qarşısında tutublar.

Balakən rayon Polis Şöbəsindən Vüqar Filiyevin saxlandığını təsdiqləsələr də, polis zabitinin saxlanmasının detalları haqda məlumatsız olduqlarını bildirdilər.

Daxili İşlər Nazirliyindən də bu məsələyə şərh vermək istəmədilər.
XS
SM
MD
LG