Keçid linkləri

logo-print
2016, 04 Dekabr, bazar, Bakı vaxtı 10:26

Ədliyyə Nazirliyi Gülər Əhmədovanın səhhəti ilə bağlı açıqlama verdi


Gülər Əhmədova

Gülər Əhmədova

-
Sabiq deputat, hazırda məhkumluq həyatı yaşayan Gülər Əhmədovanın səhhətində heç bir ciddi problem yoxdur.

Trend-in məlumatına görə, bunu jurnalistlərə açıqlamasında Ədliyyə Nazirliyi Tibb Baş İdarəsinin rəisi Rəfail Mehdiyev bildirib.

İdarə rəisinin dediyinə görə, G.Əhmədovanın sağlamlığında cüzi narahatlıq var ki, bununla da bağlı müalicə alır:

«Gülər Əhmədovanın səhhətində heç bir ciddi problem yoxdur. Onun ayaqları qətiyyən tutulmayıb. Sağlamlığında müəyyən cüzi narahatlıq var. Bununla əlaqədar müalicə alır və lazımi tibbi xidmətlə əhatə olunub. Həkim nəzarətindədir».

2013-cü il dekabrın 2-də Bakı Ağır Cinayətlər Məhkəməsinin qərarı ilə Milli Məclisin sadiq üzvü G.Əhmədova 3 il azadlıqdan məhrum edilib. Qərara əsasən, sabiq deputat cəzasını ümumi rejimli cəzaçəkmə müəssisəsində çəkir.

Fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin ötən ilin sentyabrında yaydığı qalmaqallı videodan sonra G.Əhmədova deputat mandatından imtina etmişdi. Fevralın 13-də isə onun barəsində həbs-qətimkan tədbiri seçilmişdi.

G.Əhmədova Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) və 307.1-ci (ağır və ya xüsusilə ağır cinayətin hazırlanmasını və ya törədilməsini bilərək həmin cinayət barədə xəbər verməmə ) maddələri ilə təqsirli bilinib.

Günün bütün mövzuları

XS
SM
MD
LG