Keçid linkləri

2016, 06 Dekabr, çərşənbə axşamı, Bakı vaxtı 12:28
-
“Abşeron rayon Telefon Qovşağının rəisi Eyyub İsmayılova 26-cı məhəlləyə telefon xətti çəkilməsi üçün dəfələrlə müraciət etmişik. Neçə ildir ki, müraciətlərimizə baxılmır”.

Abşeron rayonu, 26-cı məhəllənin sakinləri AzadlıqRadiosunun “Qaynar xətt”inə şikayətləniblər. Jalə Sadıqovanın deməsinə görə, mənzillərinə telefon çəkilməsini tələb edirlər. Dəfələrlə rayon Telekommunikasiya Qovşağının rəhbərliyinin adına ərizə yazsalar da, tədbir görülmür.

"DEYİRLƏR EVİNİZ EV DEYİL, QUŞ YUVALARIDIR"

Başqa məhəllə sakini Natavan Soltanova:

“Hələlik sizə on ailə adından müraciət etmişik. Ancaq bu ərazidə yaşayan yüzlərlə ailə var ki, mənzillərinə telefon çəkdirə bilmirlər. ATS rəhbərliyi ərizələrimizi kənara atır. Deyəndə ki, yuxarılara şiakyət edəcəyik, deyir, hara istəyirsiniz şikayət edin, onsuz da məktublarınız axırda mənim stolumun üstünə gəlir. Deyir, sizin evləriniz ev deyil, hərəniz bir quş yuvası düzəldib içərisinə girmisiniz. Bizi təhqir edir”.

Abşeron Telefon Qovşağından “Qaynar xətt”ə bildiriblər ki, 26-cı məhəllə yeni salınıb. Oradakı tikililər özbaşınadır, sənədləşməyib:

"Ərazi bir yaşayış massivi kimi layihələndirilmədiyindən orada telefon şəbəkəsi fəaliyyət göstərmir. Bütün evlər özbaşına və plansız tikililərdən ibarətdir. Bu səbəbdən də əraziyə telefon xətti çəkilməsi mümkün deyil". Bildirilib ki, gələcəkdə həmin ərazidə şəbəkə qurulması nəzərdə tutulub.

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

Şərhləri göstər

XS
SM
MD
LG