Keçid linkləri

logo-print
2016, 04 Dekabr, bazar, Bakı vaxtı 18:28
-
Martın 19-da metronun «Neftçilər» stansiyasında keçirilən aksiya sona çatıb.

Aksiyaçılardan biri - Naminə Rzayeva AzadlıqRadiosuna bildirib ki, Bakı Metropoliteninin rəhbərliyi ticarət köşkləri açılanda pul ödəyən şəxslərə 200 manat verib:

«Dedilər bu məbləğə ya qane olun, ya da olmayın. Bundan artıq pul verilməyəcək. Ancaq biz həmin köşkləri açanda 1100-1300 manat pul sərf eləmişdik».

Aksiyaçıların bir qismi Korrupsiyaya Qarşı Mübarizə İdarəsinə müraciət edəcəklərini bildirib.

***

Martın 19-da metroda ticarət köşkləri sökülən sahibkarlar «Neftçilər» stansiyasının yaxınlığında etiraz aksiyasına başlayıblar.

Bu haqda AzadlıqRadiosuna aksiyaçılardan biri - Nahidə Əliyeva məlumat verib. Aksiyaçılar mağazaların açılması üçün ödədikləri vəsaiti tələb edirlər.

«Bura 100-ə yaxın adam yığışıb. Camaat pullarını tələb edir – 1100-1300 verən olub. Bu vəsaiti biz bu mağazaları açanda ödəmişik. İndi pullarımızı geri istəyirik. Polis adamların qarşını almaq istəyir. Ancaq biz dağılışmırıq».

Aksiyaçıların dediyinə görə, onlar ya Prezident Administrasiyasının qarşısına, ya da Korrupsiyaya Qarşı Mübarizə İdarəsinin binası qarşısına getməyi planlaşdırırlar.

Günün bütün mövzuları

Şərhləri göstər

XS
SM
MD
LG