Dünyanın böyük alimlərinin Allaha, dinə münasibəti necədir?
Doğrudanmı insan elmin zirvəsinə qalxanda yalnız materiyanın gücünə inanmağa başlayır və "təcrübədə sübut olunmayan" varlıqlara inamını itirir.
Tixomir Dimitrovun Bakıda çap edilmiş "50 Nobel mükafatçısı: onlar Allaha inanırdılar" kitabına dünya şöhrətli alim və yazıçıların Allah haqda sübut olunmuş fikirləri daxil edilib.
Bu barədə "Oxu zalı" Bakı Kitab Klubuna istinadla xəbər verir.
Kitab on bir illik tədqiqatların nəticəsidir.
Müəllif bu kitabı tərtib etmək üçün yüzlərlə kitab, məqalə və məktubları tədqiq etmiş, əsasən də Bolqarıstan milli kitabxanasının, Milan ictimai kitabxanasının və Avstriya milli kitabxanasının arxivlərindən istifadə edib.
Hazırda həyatda olan bir çox Nobel mükafatı laureatlarının da Allah haqqında fikirləri öyrənilib.