Keçid linkləri

2016, 07 Dekabr, çərşənbə, Bakı vaxtı 00:10
-

ABŞ universitetləri dünyanın ən yaxşı ali təhsil ocaqları siyahısında yerlərini inamla qoruyurlar. Londonda yerləşən “Times Higher Education” dərgisinin hazırladığı universitetlərin 2014-cü ilə dair reytinq cədvəlinə yenə də ABŞ-ın Harvard Universiteti rəhbərlik edir. Cədvəldə ilk 10 yerdən 8-də ABŞ universitetləri dayanır.

Britaniyanın Cambridge və Oxford universitetləri keçən ilki reytinqlərini bir pillə itirərək bu il uyğun olaraq 4-cü və 5-ci sırada qərarlaşırlar. Sonra yenə də ABŞ universitetləri ilk onluğu tamamlayırlar.

Dərgiyə görə Almaniya universitetləri reytinq cədvəlində çox ciddi irəliləyiş əldə ediblər. Builki reytinq cədvəlində 6 Almaniya universiteti də yer alır.

“Times Higher Education” dərgisinin hazırladığı illik “Dünya Universitetləri Reytinq Cədvəli” hazırda ən nüfuzlu sənəd hesab edilir. Reytinq elmi dairələrdə keçirilən sorğu nəticəsində müəyyən edilir. Siyahı əsasən şəxsi fikirlər əsasında müəyyən edilsə də fikir bildirənlər tanınmış alimlər, ekspertlərdir.

Dünyanın 100 ən yaxşı universitetləri arasında Azərbaycandan heç bir ali məktəbin adı yoxdur. Azərbaycanın qonşuları arasında yalnız Rusiyadan bir (Lomonosov adına Moskva Dövlət Universiteti) və Türkiyədən də bir (Yaxın Şərq Texniki Universiteti) ali məktəb var.

Beləliklə, dünya universitetlərinin reytinq cədvəliu aşağıdakı kimidir (şəklə vur, siyahını tam gör):

Günün bütün mövzuları

Şərhləri göstər

XS
SM
MD
LG