Keçid linkləri

2016, 10 Dekabr, şənbə, Bakı vaxtı 12:54

Ukraynanın Azərbaycandakı səfirliyi bəyanat yayıb


-
Ukraynanın Azərbaycandakı səfirliyi bəyanat yayıb. Azərtac-ın yaydığı sənəddə bildirilir ki, Rusiya Federasiyasının BMT yanında daimi nümayəndəsi V.Churkinin Rusiya tərəfinin Ukrayna ərazisinə qoşun yeritməsi üçün legitim səbəbin, o cümlədən Ukraynanın sabiq prezidenti V.Yanukovych-in Ukraynada qanuniliyin, sülhün, asayişin, sabitliyin və əhalinin müdafiəsinin bərpa olunması üçün Rusiya Silahlı Qüvvələrindən istifadə etmək xahişi ilə RF Prezidenti V.Putinə “müraciətinin” olması barədə BMT Təhlükəsizlik Şurasının iclasında 2014-cü il 3 mart tarixli çıxışı kontekstində səfirlik diqqəti aşağıdakı məsələlərə cəlb etmək istəyir.

Başqa dövlətlərin silahlı qüvvələrinin bölmələrinin Ukrayna ərazisində olması qaydası “Ukrayna ərazisində başqa dövlətlərin silahlı qüvvələrinin bölmələrinin olmasına icazə verilməsi və şərtləri qaydası haqqında” 2000-ci il 22 fevral tarixli 1479 nömrəli Ukrayna qanunu ilə müəyyən olunur.

Məsələn, 7-ci maddəyə müvafiq olaraq, başqa dövlətlərin silahlı qüvvələrinin bölmələrinin Ukrayna ərazisinə buraxılması ilə bağlı təklifi yalnız Ukrayna Xarici İşlər Nazirliyi və Ukrayna Müdafiə Nazirliyi birlikdə Ukrayna Milli Təhlükəsizlik və Müdafiə Şurasının müzakirəsinə çıxara bilərlər. Özü də göstərilən təklif onun irəli sürüldüyü vaxt adıçəkilən bölmələrin yerləşdiyi rayonlar, tapşırıqlar, onların ümumi sayı, silahların, hərbi texnikanın və s. tipləri və miqdarı barədə məlumatları ehtiva etməlidir. Daha sonra ancaq Ukrayna Prezidenti yalnız Ukrayna Milli Təhlükəsizlik və Müdafiə Şurasının təklifi əsasında başqa dövlətlərin silahlı qüvvələrinin Ukrayna ərazisinə buraxılması və ya buraxılmaması barədə qərar qəbul edə bilər. Göstərilən qərar yalnız Ukrayna Ali Radası tərəfindən təsdiq olunduqdan sonra qüvvəyə minir (Ukrayna Konstitusiyasının 85-ci maddəsinin 23-cü bəndi).
XS
SM
MD
LG