"Qanun" nəşriyyatı böyük fransız filosofu, yazıçısı Mişel Montenin "Ləyaqətlə yaşamaq qabiliyyəti haqqında" kitabını çap edib.
Kitabda Renesans dövrü qabaqcıl fransız mədəniyyətinin humanist və azadlıqsevərlik ideyaları öz parlaq əksini tapıb.
Bədii-fəlsəfi janrda yazılan bu əsərdə Monten keçmişin və yaşadığı dövrün tarixi faktları ilə bağlı düşüncələrini və müəyyən ictimai mövqeyə məxsus olan insanlarla bağlı apardığı müşahidələri oxucularla bölüşür.
Cəhalətə, dini fanatizmə qarşı çıxan yazıçı dövrünün bir sıra qayda-qanunlarını çox səmimi bir dillə tənqid edir. Skeptisizm, zərif fransız yumoru, həqiqilik əsərin diqqətçəkən məziyyətlərindəndir.
Tərcümə: Nadir Bədəlov
