Keçid linkləri

2016, 11 Dekabr, bazar, Bakı vaxtı 10:11

Ermənistanda romanların, şeir kitablarının tirajı nə qədərdir?


Ermənistanda çap olunan kitablar Frankfurt kitab yarmarkasında, Almaniya, 4 oktyabr 2012

Ermənistanda çap olunan kitablar Frankfurt kitab yarmarkasında, Almaniya, 4 oktyabr 2012

-

Ermənistanda bədii ədəbiyyat, yəni şeir, roman, hekayə kitabları çox məhdud tirajla çap olunur. 500-700 nüsxə. Bu da kitabın nəşr və reklam xərclərini zorla qarşılayır.

Bunu “Antares” nəşriyyatının baş redaktoru Armenik Nikoqosyan “ARKA” agentliyinə deyib.

Amma onun sözlərinə görə, kitab bazarında bəzi ümidverici meyllər də hiss olunur:

“Məsələn, əgər bir neçə il əvvəl biz çağdaş yazıçıya zorla başa salırdıq ki, kitab da maldır və onu reklam etmək lazımdır. İndi isə bu məsələnin artıq müəyyən dərəcədə anlayışla qarşılandığını görürük.

Müəlliflər öz ictimai imicləri üzərində işləyir, sosial şəbəkələrdə fəallaşır, reklam kampaniyaları təşkil edir, beləliklə daha çox oxucunun diqqətini cəlb edirlər”.

Nikoqosyan deyir ki, hazırda Ermənistanda yalnız uşaq kitablarının nəşri gəlir gətirir.

Qeyd edək ki, bədii ədəbiyyatın satışı baxımından Ermənistan və Azərbaycanda vəziyyət təxminən oxşardır.

Günün bütün mövzuları

XS
SM
MD
LG