Keçid linkləri

logo-print
2016, 06 Dekabr, çərşənbə axşamı, Bakı vaxtı 09:55

Ukrayna qanlı küçə döyüşlərində azı 25 nəfər ölüb, onlardan 9-u polisdir


Kiyev - 18 fevral 2014

Kiyev - 18 fevral 2014

-
Ukrayna Səhiyyə Nazirliyinin məlumatına görə, fevralın 18-dən Kiyevdə başlayan qanlı küçə döyüşləri nəticəsində azı 25 adam həlak olub. Daxili İşlər Nazirliyinin məlumatına görə, ölənlərdən 9-u polisdir. 241 adam xəstəxanalara yerləşdirilib. Onların arasında polislər və jurnalistlər də var.

Ukraynanın qərbində - İvano-Frankovski, Ternopol və Lvovda etirazçılar yenidən bir sıra dövlət qurumlarının binalarını ələ keçiriblər.

Hakimiyyət orqanlarının məlumatına görə, Lvovdakı toqquşmalar nəticəsində azı 30 hərbçi yaralanıb. Hərbi kazarmalardan biri yandırılıb. Lvovda nümayişçilər Daxili İşlər Nazirliyinin, prokurorluğun, Ternopolda prokurorluq binalarını ələ keçiriblər. İvano-Frankovskda milis şöbəsinin binası yandırılıb.

AzadlıqRadiosunun müxbiri xəbər verir ki, Kiyevə ölkənin qərb regonlarından 5 avtobus etirazçı gəlib. Daha bir neçə avtobusun gələcəyi gözlənilir. Kiyev-Odessa yolunun bağlanması haqqında məlumatlar yayılıb.

Bu arada xüsusi təyinatlı “Berkut” milis dəstəsi Avromeydana hücumu genişləndirib. Xüsusi təyinatlılar nümayişçiləri meydanın əsas hissəsinə sıxışdırıb, onları mühasirəyə almağa çalışır.

Nümayişçilər yanan barrikalar qurur, Meydandan “Kiyev ayağa qalx”, “Ukrayna ayağa qalx” şüarları səsləndirir.

Günün bütün mövzuları

XS
SM
MD
LG