Keçid linkləri

2016, 06 Dekabr, çərşənbə axşamı, Bakı vaxtı 21:52
-

Tanınmış yapon yazıçısı Haruki Murakami güzəştə getdi, Nakatonbetsu şəhərinin sakinlərinin etirazından sonra hekayəsinə düzəliş etməyə qərar verdi.

“Çox məyusam ki, əsərimlə orada yaşayanlara narahatlıq yaşatmışam” – deyə yazıçı açıqlamasında bildirir.

Nakatonbetsu qəsəbə boyda kiçik şəhərdir, cəmi 2000 əhalisi var. Murakaminin ötən ilin sonunda “Bungeishunju” dərgisində çıxan 24 səhifəlik hekayəsində həmin şəhərdə yaşayanların küçəyə siqaret atmaq kimi pis vərdişlərinin olduğu bir obrazın dilindən səslənir.

Murakami deyib ki, Nakatonbetsu adının səslənişi çox xoşuna gəlir, amma hekayə kitabda çap ediləndə həmin adı dəyişəcək.

Fevralın 5-də şəhər məmurlarından biri Frans press agentliyinə demişdi ki, hekayəni çap edən dərgidən izahat tələb edəcəklər: necə olub ki, redaktor belə böhtanın çapına imkan verib. O demişdi ki, şəhərin 90 faizi meşəlik olduğundan orada insanlar odla çox ehtiyatla davranırlar, yəni bu elə bir yer deyil ki, adamlar gündə yerə siqaret atsın.

Günün bütün mövzuları

XS
SM
MD
LG