Keçid linkləri

2016, 10 Dekabr, şənbə, Bakı vaxtı 16:47
-

İsraildə müalicə olunan şair Vaqif Səmədoğlu gələn həftə Azərbaycana gələcək.

Bunu AzadlıqRadiosuna şairin həyat yoldaşı Nüşabə Vəkilova deyib.

Həyat yoldaşı Vaqif Səmədoğlunun səhhətinin normal olduğunu deyir:

«Müalicəsi davam edir, vəziyyəti ortadır. Hər halda, mübarizə davam edir. Əhvalı pis deyil, zarafatları da öz yerində. İki gün əvvəl gecə bir şer də yazıb paylaşıb».

Onkoloji xəstəlikdən əziyyət çəkən xalq şairi prezident İlham Əliyevin ayırdığı vəsait hesabına İsraildə müalicə olunur.

Şairin Facebook-da paylaşdığı həmin şeir:

Allah, nə var, nə yox?
Məndən nə xəbər var?
Gecələri özüm sayaram,
üzümə açılacaq neçə səhər var?
Bəyənəcəksənmi məni,
bəndəni hansı gözlə görəcəksən?
Allah,
özüm gəlim,
ya kimisə göndərəcəksən?...

Günün bütün mövzuları

XS
SM
MD
LG