Keçid linkləri

logo-print
2016, 03 Dekabr, şənbə, Bakı vaxtı 17:59

Qanunsuz ov edən 107 nəfər saxlanıb


-
Qanunsuz ov edən 107 nəfər saxlanıb. Məlumatı Ekologiya və Təbii Sərvətlər Nazirliyi yayıb.

Bildirilir ki, son bir ayda nazirlik əməkdaşları tərəfindən “Ovçuluq haqqında” Azərbaycan Respublikası Qanununun tələblərinə əməl olunması, qanunsuz ov edilməsi, ovlanmış çöl quşlarının və heyvanların qeyri-qanuni satışının qarşısının alınması məqsədilə ölkə ərazisində mütəmadi reydlər keçirilib.

Keçirilən reydlər zamanı qanunsuz ov edilməsi və qanunsuz yolla əldə edilmiş ov məhsullarının satışı ilə bağlı 107 nəfər saxlanılıb. Qanunsuz ov edən şəxslərdən ümumilikdə 80 ədəd ov tüfəngi, 234 ədəd patron, 1 ədəd qayıq, balıq ovunda istifadə olunan elektrik avadanlıqları, qanunsuz ovlanmış 36 baş quş götürülüb.

Eyni zamanda, magistral avtomobil yollarının kənarlarında keçirilən reydlər zamanı ayrı-ayrı şəxslər tərəfindən qanunsuz yolla əldə edilmiş 106 baş çöl quşunun və 172 ədəd müxtəlif növ balığın (nərə, çəki, xanı və s. cinsli) satışının təşkil edildiyi aşkar edilib. Ov tüfəngləri, patronlar, balıq ovunda istifadə olunan avadanlıqlar, çöl quşları və balıqlar qanunvericiliyə uyğun qaydada götürülüb.

Faktlarla bağlı akt və protokollar tərtib edilərək 65 nəfər qanun pozucusu İnzibati Xətalar Məcəlləsinin müvafiq maddəsinə əsasən inzibati qaydada, ümumilikdə 64450 manat məbləğində cərimə olunub, qanunsuz ovlanmış quşlara görə ayrı-ayrı şəxslərə 10495 manat məbləğində iddia tətbiq edilib.

Hazırda araşdırmalar aparılır.

Qanunsuz ov hallarının qarşısını almaq məqsədilə reydlər davam etdirilir.

Günün bütün mövzuları

XS
SM
MD
LG