Keçid linkləri

2016, 07 Dekabr, çərşənbə, Bakı vaxtı 02:16

Ermənistan Azərbaycan ailəsinin ondan sığınacaq istədiyini iddia edir


Baqrataşen keçid məntəqəsi

Baqrataşen keçid məntəqəsi

-

Ermənistanın Milli Təhlükəsialik Xidməti Ermənistandan siyasi sığınacaq istəyən Azərbaycan ailəsinin adlarını açıqlayıb.

Xidmətin məlumatına görə, ailə Azərbaycanın xüsusi xidməti tərəfindən təzyiqlərə məruz qaldığına görə bu addımı atıb.

Bu haqda Ermənistan Milli Təhlükəsialik Xitmədinə istinadən Azadlıq Radiosunun erməni xidməti xəbər verir.

Ermənistan MTX-nin saytında dərc olunan məlumatda deyilir ki, 1976-cı il təvəllüdlü Bakı sakini Gürcüstan-Ermənistan sərhəddindəki “Baqrataşen” nəzarət-buraxılış məntəqəsini keçərək ailəsi və 3 uşağına siyasi sığınacaq istəyib.

Onun dediyinə görə, erməni əsilli Bakı sakini R. Mirzəyeva ilə evləndikdən sonra xüsusi xidmət orqanları tərəfindən daim təzyiqlərə məruz qalıb və sonda onlarla əməkdaşlıq etmək, həyat yoldaşının xaricdə yaşayan qohumları vasitəsi ilə Ermənistan və Diaspora barədə məlumatları onlara ötürmək məcburiyyətində qalıb. Sonra o, ailəsinin həyatından ehtiyat etdiyinə görə, xarici ölkələrdən birinə qaçmaq istəyib, amma cəhdi baş tutmayıb. Bundan sonra ona qarşı təzyiqlər daha da artıb. Və nəhayət çıxılmaz vəziyyətdə qaldığından Ermənistandan siyasi sığınacaq istəmək qərarına gəlib.

Ermənistan Təhlükəsizlik Xidmətinin məlumatına görə, BMT-nin Yerevandakı nümayəndəliyi və Ermənistanın Miqrasiya Xidməti hazırda ailənin gələcək taleyi ilə məşğuldular.

Günün bütün mövzuları

Şərhləri göstər

XS
SM
MD
LG