Vaxtsız dünyasını dəyişmiş istedadlı yazar Zərdüşt Şəfi Bakıda anıldı.
Gənc yazarın həyat və yaradıcılığına həsr olunan tədbirini "Yeni Üfüq" Mənəvi İrsin Təbliği İctimai Birliyi keçirdi.
Azərbaycan Yazıçılar Birliyinin üzvü Mirbəhram Əzimbəyli Zərdüşt Şəfinin qısa ömür sürməsinə baxmayaraq, dolğun və örnək ola biləcək həyat yaşadığını diqqətə çatdırıb. O, gənc yazarla bağlı xatirələrini tədbir iştirakçıları ilə bölüşüb.
Tədbirdə mərhum gənc yazar Zərdüşt Şəfi ilə bağlı hazırlanmış videoçarx təqdim olunub.
Daha sonra Azərbaycan Yazıçılar Birliyinin katibi Rəşad Məcid mərhum yazarın həyat eşqindən, ölümə qarşı necə məğrur olmasından geniş söz açıb.
Tədbirdə ədəbi tənqidçi Seyfəddin Hüseynli, “Yeni Üfüq” Mənəvi İrsin Təbliği İctimai Birliyinin sədr müavini Xanım Qasımova, gənc yazarlar Rəbiqə Nazimqızı, Günel Xəzəl, Seyid Ramin və digərləri çıxış edərək, Zərdüşt Şəfizadə ilə bağlı fikir və xatirələrini bölüşüblər.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
