Keçid linkləri

2016, 06 Dekabr, çərşənbə axşamı, Bakı vaxtı 20:19

Ukrayna parlamenti müxalifətin tələbini müzakirə edəcək


Ukrayna prezidenti Viktor Yanukovych parlamentin spikeri Volodymyr Rybak-la görüşərkən, 23 yanvar 2014

Ukrayna prezidenti Viktor Yanukovych parlamentin spikeri Volodymyr Rybak-la görüşərkən, 23 yanvar 2014

-

Ukrayna prezidenti Viktor Yanukovych ölkədəki siyasi böhranı yoluna qoymaq üçün gələn həftə parlamentin növbədənkənar sesiyasını çağırıb. Parlamentin sədri Volodymyr Rybak bildirib ki, sesiyada hökumətin istefası ilə bağlı müxalifətin tələbi müzakirə olunacaq.

Müxalifət xəbərdarlıq edib ki, əgər prezident razılığa gəlməsə hücuma keçəcək. Baş nazir Mykola Azarov nümayişçiləri çevrilişə cəhddə günahlandırıb.

Yanukovych Avropa Komissiyasının prezidenti Jose Manuel Barroso ilə telefon söhbətində böhranı dinc yolla həll edəcəyini bildirib. Avropa Birliyi Kiyevə xəbərdarlıq edib ki, əgər zorakılıq davam eləsə bunun pis aqibəti olacaq.

Müxalifət liderlərindən biri Vitali Klitschko bəyan edib ki, ölkədə baş verən zorakılıqları və döyüşün qarşısını yalnız prezident Yanukovych ala bilər.

Kiyevin mərkəzində isə etirazlar davam edir. Yanvarın 23-də baş vermiş toqquşmalarda azı 3 nəfər həlak olub.

Ukrayna hökumətinin ötən ilin noyabrında Avropa Birliyi ilə assosasiya sazişi imzalamaqdan imtina eləməsi ölkədə kütləvi etirazlara səbəb olub. Bu günlər də isə hökumətin mitiqlərlə bağlı kəskin tədbirlər qəbul etməsi vəziyyəti daha da gərginləşdirib.

Şərhləri göstər

XS
SM
MD
LG