Keçid linkləri

2016, 11 Dekabr, bazar, Bakı vaxtı 14:01

Erməni tərəfi Azərbaycanın hücumunda bir əsgərinin öldüyünü bildirir


Arxiv foto: Qarabağdakı erməni əsgərlərinin təlimi. 28 oktyabr 2012

Arxiv foto: Qarabağdakı erməni əsgərlərinin təlimi. 28 oktyabr 2012

Qarabağdakı erməni hərbi qüvvələri yanvarın 19-dan 20-ə keçən gecə təmas xəttində bir neçə istiqamətdən Azərbaycan ordusunun təxribat qrupunun hücumuna məruz qaldığını bildirir.

Məlumatda iddia edilir ki, hücumun qarşısı alınarkən kiçik çavuş Armen Ovannisyan həlak olub, Azərbaycan əsgərləri də canlı qüvvə və texnika sarıdan itki verərək geri çəkiliblər.

Bunlar Qarabağı nəzarətdə saxlayan erməni qüvvələrinin rəsmi məlumatıdır.

Azərbaycanın Müdafiə Nazirliyinin mətbuat xidmətindən isə ANS PRESS-ə bildiriblər ki, qoşunların təmas xəttində hər hansı hadisə qeydə alınmayıb, Ermənistan mətbuatında yayılan məlumatlar dezinformasiya və təxribat xarakteri daşıyır: "Ermənistan ordusundakı itkilər hərbi hissələrdəki nizam-intizamın aşağı səviyyədə olması, zabitlərlə əsgərlər, həmçinin Ermənistandan çağırılan əsgərlərlə Dağlıq Qarabağ erməniləri arasında qarşılıqlı münasibətlərin kobud surətdə pozulması nəticəsində baş verir" - deyə Azərbaycanın Müdafiə Nazirliyi bildirir.

Erməni silahlı qüvvələri 1990-cı illərin əvvəllərində Azərbaycanın Dağlıq Qarabağ regionu və onun ətrafında altı rayonunu işğal edib. Azərbaycanla Ermənistan 1994-cü ildə atəş razılaşması imzalasalar da hələlik sülh danışıqları yekun nəticə verməyib.

Tez-tez tərəflər bir-birini atəşkəsi pozmaqda ittiham edir.

Günün bütün mövzuları

Şərhləri göstər

XS
SM
MD
LG