Keçid linkləri

2016, 09 Dekabr, Cümə, Bakı vaxtı 07:58

Bir ailənin 3 üzvü yol qəzasında həlak olub


-
Lənkəran rayonunda baş vermiş yol-nəqliyyat qəzasında bir ailənin 3 üzvü həlak olub.
APA-nın cənub bürosunun məlumatına görə, hadisə yanvarın 5-də saat 10.30 radələrində Ələt-Astara magistralının 181-ci kilometrliyində - rayonun Qumbaşı kəndindən keçən hissəsində qeydə alınıb.

Şəki rayon sakini Fuad Həsənovun idarə etdiyi “VAZ-2103” markalı minik avtomobili idarəetmədən çıxaraq, qarşı tərəfdən gələn, Səxavət adlı sürücünün idarə etdiyi “Volvo” markalı, ağır tonnajlı yük maşınının yoluna çıxaraq onun altına girib.

Nəticədə “VAZ-2103”-ün sürücüsü və avtomobildə olan sərnişinləri - həyat yoldaşı ilə qızı Məhəbbət Həsənova hadisə yerində ölüblər. İlkin versiya kimi hadisəyə “VAZ-2103” markalı avtomobilin sürücüsünün sükan arxasında yuxulayaraq “Volvo”nun yoluna çıxmasının səbəb olduğu bildirilir. Qəzaya uğramış ailə Lənkəranda hərbi qulluq keçən övladlarının yanına gəlirmiş.

Faktla bağlı cinayət işi açılıb, araşdırma aparılır.

Günün bütün mövzuları

XS
SM
MD
LG