Keçid linkləri

logo-print
2016, 03 Dekabr, şənbə, Bakı vaxtı 15:47

SOCAR özünü «yandırmaq istəyən» qazmaçı köməkçisi ilə bağlı məlumat yayıb


-
Dekabrın 29-da «Abşeron» Qazma İşləri İdarəsinin qazmaçı köməkçisi Bəhruz Əliyev ARDNŞ-in qarşısında özünü yandıracağını elan edib.

B.Əliyev minval.az saytının redaksiyasına göndərdiyi məktubunda yazır:

«Azərbaycandakı haqsızlıqlara dözə bilmədim. Ölkədə haqsızlıq baş alıb gedir. Atam 11 il xəstə yatdı. 2006-cı ildə atamı itirdim. 2006-cı ildən isə anam xəstədir. Özüm ailəliyəm, üç övladım var.

Atam xəstə olduğu 11 il ərzində 52 min manat borca düşdük. Özüm ARDNŞ-də fəhlə işləyirdim. Ayda cəmi 250-300 AZN maaş alırdım. Bundan banklara və mülki şəxslərə olan borcumuzdan az-az qaytarırdım. İndi məni ixtisara salıblar... Hər kəs öz işindədir, məmurlar heç kimin problemi ilə maraqlanmır».

ARDNŞ-in yaydığı məlumatda deyilir ki, Bəhruz Əliyev bu gün də ARDNŞ-in işçisidir, ixtisara salınması haqqında ona heç kim tərəfindən heç bir xəbərdarlıq edilməyib:

«Onun guya «ixtisara salınması» haqqında dedikləri və bunu səbəb göstərərək, özünü ARDNŞ-in binası qarşısında yandıracağı barədə açıqlama verməsi, yumşaq desək, təəccüb doğurur».

Dövlət Neft Şirkəti bəyan edir ki, B.Əliyevin işlədiyi «Kompleks qazma işləri» trestində aparılan struktur dəyişiklikləri nəticəsində işçilərin ixtisarı nəzərdə tutulmayıb.

Günün bütün mövzuları

XS
SM
MD
LG