Keçid linkləri

2024, 29 Mart, Cümə, Bakı vaxtı 17:57

Türkiyədə jurnalistlərin polis məntəqələrinə girişi qadağan olunur


Türkiyə polisi
Türkiyə polisi
-
Dekabrın 22-də Türkiyə rəsmiləri jurnalistlərin polis məntəqələrinə girişinin qadağan edildiyini elan edib. Bu addım onlarla polisin hökumətə müraciəti ilə əsaslandırılır.

Son günlər Türkiyədə iki nazir oğlu və onlarla digər şəxslər korrupsiya ittihamı ilə həbs olunub. Türkiyənin baş naziri bu həsbləri “çirkli əməliyyat” adlandırıb və hökumətə qarşı yönəldiyini bildirib.

Türkiyə polisi akreditəsi olan jurnalistlərin səlahiyyətinin, eləcə də brifinq otaqlarının açarlarının onların əllərindən alınması ilə bağlı göstəriş verib.

“Hansısa hadisə ilə bağlı polisin bəyanatı olarsa mətbuat nümayəndələri dəvət olunacaqlar” - polisin yaydığı bəyanatda belə deyilir.

Uzun müddət polislə işləyən jurnalistlər bu qadağanı ağlasığmaz kimi görürlər.
Adının çəkilməsini istəməyən veteran jurnalist CNN Türkiyəyə deyib ki, 16 illik təcrübəsində belə bir halla ilk dəfə rastlaşıb:

“Bu qərar məni çox təəccübləndirdi. Bir tərəfdən medianın azadlığından danışılır, digər tərəfdən jurnalistlərin polis məntəqəsinə girişinə qadağa qoyulur. Bu çox qəribədir. Onlar bizi ancaq özlərinin istədikləri hadisələri yazmağa dəvət edəcəklər”.

Jurnalistlər bu qadağanın medianın susdurulmasının başlanğıcı olmasından narahatdılar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG