Keçid linkləri

2024, 28 Mart, Cümə axşamı, Bakı vaxtı 13:58

«Avromaydan»çılar tariflərin endirilməsini tələb edir


Kiyevin mərkəzindənki Azadlıq meydanı
Kiyevin mərkəzindənki Azadlıq meydanı
-
Ukrayna müxalifət liderlərindən biri, Ali Radada “Batkivşina” fraksiyasının üzvü Arseny Petrovich avrointeqrasiya tərəfdarlarına təklif edib ki, hökumətdən kommunal xidmətlərə görə qiymətlərin endirilməsini tələb etsinlər.

Arseny Petrovich deyib ki, əgər Rusiya Ukraynaya satdığı qazın qiymətini 30 faiz aşağı salıbsa, onda hökumət də tarifləri bir o qədər aşağı salmalıdır.

O deyib ki, Moskva ilə ikitərəfli sənədin imzalanması Ukrayna parlamentində təsdiqlənməlidir. “Əgər aydın olsa ki, bu müqavilə antiavropa müqaviləsidir, onda müxalifət parlamentdə bu sənədin imzalanmasına imkan verməməlidir”.

Digər müxalifət lideri Vitaly Klitschko İstiqlaliyyət meydanındakı çıxışı zamanı prezident Viktor Yanukovych-i ölkədəki strateji obyektlərin girov qoyulması ilə Rusiyadan çoxmilyardlı kredit almaqda ittiham edib.

Dekabrın 17-də Moskvada Rusiya ilə Ukrayna arasında dövlətlərarası konsultasiya keçirilib. Bundan sonra aydın olub ki, Rusiya Ukrayna qiymətli kağızlarına 15 milyard kredit ayırıb və bu ölkəyə satılan qazın qiymətini aşağı salıb.

Rusiya prezidenti Putin görüş zamanı Ukraynanın Gömrük İttifaqına qoşulması məsələsinin müzakirə olunmadığını deyib.

Hökumətin Avropa Birliyi ilə Assosiasiya Sazişinin imzalanmasını təxirə salmasından sonra Ukraynada etiraz aksiyaları başlayıb. Noyabrın 21-dən başlayan aksiyada hökumətin və baş nazirin istefası tələb edilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG