Keçid linkləri

logo-print
2016, 03 Dekabr, şənbə, Bakı vaxtı 09:06

Kiyevdə xüsusi təyinatlılar hökumət binalarına gedən yolları kəsib


Ukrayna, Kiyev

Ukrayna, Kiyev

-
Kiyevdə xüsusi təyinatlılar hökumət binalarının yerləşdiyi əraziyə gedən yolları tamamilə kəsib. Ərazidə 20 milis avtobusu var.

AzadlıqRadiosunun müxbiri xəbər verir ki, əraziyə yalnız elit avtomobillərin daxil olmasına icazə verilir. Adamlar isə ancaq vəsiqələri ilə buraxılır.

Müxalifət fəalları “Berkut” və daxili qoşunların əməkdaşlarının Müstəqillik meydanını bağlamaq niyyətində olduqlarını istisna etmirlər. Həmin meydanda nümayişçilərin fasiləsiz aksiyası keçirilir.

Ötən gecə Kiyevdə nümayişçilərlə xüsusi təyinatlı milis əməkdaşları arasında baş verən qarşıdurma zamanı azı 10 nəfər xəsarət alıb.

Milis və daxili qoşunların hərbçiləri hökumət binaları yerləşdiyi ərazidə etirazçıların qurduqları çadır şəhərciklərini və barrikadaları dağıdıb. Bundan sonra nümayişçilər Müstəqillik meydanına keçiblər.

Yaxın saatlarda prezident Viktor Yanukovych və ondan əvvəlki 3 prezident - Viktor Yushchenko, Leonid KravchukLeonid Kuchma ölkədəki vəziyyəti müzakirə etmək üçün görüşəcək.

Prezident və müxalifət liderləri ilə görüşmək üçün ABŞ dövlət katibinin müavini Victoriya Nuland və Avropa Birliyinin xarici siyasət idarəsinin rəhbəri Catherina Ashton bu gün Kiyevə gəlir.

Günün bütün mövzuları

XS
SM
MD
LG