Keçid linkləri

2024, 28 Mart, Cümə axşamı, Bakı vaxtı 22:59

Kiyevdə avrointeqrasiya tərəfdarlarının etiraz aksiyaları davam edir


Kiyevdə aksiya
Kiyevdə aksiya
-
Bu gün – dekabrın 5-də səhər yüzlərlə aksiyaçı Nazirlər Kabinetinin binası önünə toplaşaraq hökumətin istefasını tələb edir. Piketə qatılanlar binaya əsas girişi bağlayıblar. Polis xidməti də öz növbəsində içəri girişi təmin etməyə çalışır.

Polis avtobuslardan yararlanaraq Ali Radaya gedən yolları qapadıb. Nümayişçilər Prezident Administrasiyasının yerləşdiyi Bank küçəsinə toplaşıblar.

Dünən müxalifət liderləri Kiyevdə etiraz aksiyalarının miqyasını genişləndirmək niyyətlərini açıqlayıblar. Dekabrın 1-də həbs olunmuş etirazçıların buraxılması üçün Daxili İşlər Nazirliyinin və məhkəmə binaları qarşısında piket keçirilməsi də planlaşdırılır.

Dekabrın 4-də axşam onlarla sürücü öz maşınları ilə xüsusi təyinatlı polisin – “Berkut”un binası önündə yığışaraq yolu bağlayıb və dayanmadan siqnal verib.

Onlar noyabrın 30-da “Berkut” əməkdaşlarının baş meydanda keçirilən aksiyanı amansızlıqla dağıtmasına etiraz ediblər. Həmin aksiya zamanı 200-dən çox aksiyaçı, eləcə də jurnalistlər xəsarət almışdı.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG