14, 2 milyon dollara satılan dini nəğmələr kitabı, Sotheby's Hərracı, New York
Kitab 14 milyon dollara satıldı (Rekord)
-
Yəhudi Bibliyasının bir hissəsi olan, amma xristianların da istifadə etdiyi dini nəğmələr kitabı Amerikadakı Sotheby's hərracında 14,2 milyon dollara satılıb.
Bu, indiyəcən auksionlarda mətbəədə çap edilən kitaba verilmiş ən böyük məbləğdir.
Sözügedən dini nəğmələr toplusu həm də Amerikada çap edilmiş ilk kitabdır. Balacadır. Ölçüsü 6 düymün 5 düymədir (1 düym – 2,5 sm-dir). 1640-cı ildə puritanların İngiltərədən gətirilmiş çap maşınında basdığı həmin 1700 nüsxədən cəmi bir neçəsi dövrümüzəcən gəlib çatıb. Hərracda satılmış nüsxə Bostondakı “Old South” Kilsəsində saxlanırdı. Kilsə onu maliyyə imkanlarını genişləndirmək üçün satmağa qərar verib. Kitabı amerikalı biznesmen və xeyriyyəçi David Rubenstein alıb.
Mətbəədə çap edilmiş kitablarla bağlı rekord indiyəcən 19-cu əsr təbiətşünası John James Audubon-un illüstrasiyalı "Birds of America" (Amerikanın quşları) kitabına məxsus idi. Həmin kitab 3 il qabaq Sotheby's hərracında 11,5 milyon dollar satılmışdı.
Ümumiyyətlə isə, indiyəcən hərracda ən yüksək qiymətə satılmış kitab - Leonardo da Vinci-nin “Codex Hammer”idir. Bu, alimin elmi yazıları və diaqramlarının yer aldığı şəxsi bloknotudur. 1994-cü ildə Christie's hərracında 30.8 milyon dollar satılıb.
14, 2 milyon dollara satılan dini nəğmələr kitabı, Sotheby's Hərracı, New York
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
