-
Tacikistan prezidenti Emomali Rahmon (İmaməli Rəhman) müdafiə naziri general-polkovnik Sherali Khayrulloevi (Şerali Xeyrulloyevi) istefaya göndərib.
64 yaşlı Khayrulloev müdafiə naziri postunu 1995-ci ildən tuturdu. Bu postu tutana qədər o, daxili işlər nazirinin müavini olub.
“Media forum” saytı xəbər verir ki, Tacikistan prezidenti Şerali Xeyrullayevin yerinə general-leytenant Sherali Mirzonu təyin edib. Sherali Mirzo bu təyinata qədər Sərhəd Qoşunları Baş İdarəsinin rəhbəri olub.
Tacikistanda noyabrın 6-da prezident seçkisi keçirilib və Emomali Rahmon 84,23% səslə yenidən 7 il müddətinə dövlət başçısı seçilib. O, noyabrın 18-də hökuməti istefaya göndərib.