Keçid linkləri

2016, 09 Dekabr, Cümə, Bakı vaxtı 00:36
-
Noyabrın 12-də Parisdəki Məktublar və Əlyazmalar Muzeyində dahi Azərbaycan şairi Nizami Gəncəvinin həyat və yaradıcılığına həsr olunan sərginin açılışı olub.

AzərTAc bildirir ki, sərgi Heydər Əliyev Fondunun təşkilatçılığı və Azərbaycanın Fransadakı səfirliyinin dəstəyi ilə təşkil edilib.

Açılışda çıxış edən muzeyin təsisçisi və prezidenti Jerar Leritiye sərginin onun rəhbərlik etdiyi muzeydə təşkil olunmasından böyük məmnunluq hissi keçirdiyini bəyan edib.

Muzeyin səlahiyyətli nümayəndəsi Paskal Fülaşe Nizami Gəncəvi kimi dahi şairin Fransada az tanınmasından təəssüf hissi keçirdiyini bildirib.

P. Fülaşe dahi söz ustasının əlyazmalarının dünyanın nüfuzlu muzey və kitabxanalarında, o cümlədən İstanbul, Tehran, Qahirə, Sankt-Peterburq, London, Paris və Berlinin kitabxana və muzeylərində qorunub saxlanıldığını diqqətə çatdırıb.

Sərgidə şairin doğulduğu Gəncənin qədim və müasir görünüşlərinin, Nizaminin büst və heykəllərinin, mavzoleyinin, şairin adını daşıyan elm və mədəniyyət ocaqlarının əks olunduğu fotolar, əsərlərindən illüstrasiyaların təsvir edildiyi xalçalar, XII əsrə məxsus geyimlər, dulusçuluq və misgərlik nümunələri nümayiş etdirilib.

Qonaqlara Nizami Gəncəvinin həyat və yaradıcılığından bəhs edən kitablar və broşürlər paylanıb.

Günün bütün mövzuları

Şərhləri göstər

XS
SM
MD
LG