Andy Warhol--un «Qara Lenin» (Black Lenin) əsəri noyabrın 19-da Londonda keçiriləcək qrafika hərracında satışa çıxarılacaq.
Bu barədə «Bonham's» Hərrac Evinin saytında məlumat verilib.
Ekspertlər rəsm əsərini təxminən 50-70 min funt arasında qiymətləndiriblər (80-110 min dollar).
Rəsm əsəri Andy Warhol--un estamp seriyasından hələ onun sağlığında—1987-ci ildə üzü çıxarılmış surətdir.
Həmin il Andy Warhol--un əsərlərinin çapıyla məşğul olan Rupert Jason Smith 1 metr 75 sm. ölçüsündə 120 belə surət çıxarıb.
Noyabr hərracında Roy Lichtenstein-in, Henry Moor-un, Marc Chagall-ın, Pablo Pikasso--nun, Salvador Dali--nin və b. rəssamların da bu tipli əsərləri satışa çıxarılacaq.
Noyabrın 17-dən 19-dək əsərlər Londonda hərracdan öncə sərgilənəcək.
1987-ci ildə Warhol--un yaratdığı eyni portretdən iki fərqli rəngdə əsər çıxarılıb—qara və qırmızı.
Bu ay keçiriləcək hərraca «Qara Lenin» adıyla tanınan surət çıxarılacaq.
İkinci «Qırmızı Lenin» (Red Lenin) 2013-cü ilin martında «Christie’s» Hərrac Evinin düzənlədiyi auksionda 166 min dollara satılıb.
Yeri gəlmişkən, Andy Warhol--un «Qırmızı Lenin»i əvvəllər rus sərmayəçisi Boris Berezovsky--yə məxsus olub.
«The Times» qəzeti o vaxt biznesmenin borclarını və məhkəmə xərclərini ödəmək üçün «Qırmızı Lenin»i satdığını yazmışdı.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
