Keçid linkləri

2024, 19 Mart, çərşənbə axşamı, Bakı vaxtı 12:37

Deyingən arvadın şeiri


Günel Mövlud
Günel Mövlud
-

Günel Mövlud


DEYİNGƏN ARVADIN ŞEİRİ

Mən səni tanıdım,
payız keçdi, qış gəldi,
soyuqlar oldu

Yay gəldi,
sümüyüm qızmadı,
qanım az, özüm arıqlar oldum

Hər fürsətdə içdik,
sağlıqlar oldu,
süfrə dolu araqlar oldu

Evləndik,
heç tək qalmadıq,
elə hey dostlar oldu, qonaqlar oldu

Gəzməyə getmədik,
əylənmədik, mənimki mətbəx oldu,
bıçaqlar oldu

Saçımı ütdüm,
əlimi kəsdim
qollarımda elə hey yanıqlar oldu, suluqlar oldu

Şam yandırmadıq,
işığında sevişmədik,
günümüz yol oldu, uzaqlar oldu

başqa şəhərlərə köçdük,
öz şəhərimizdə həbslər oldu,
türmə dolu dustaqlar oldu

məndən heç xoş söz demədilər sənə, sevgilim
eşitdiyin söyüş oldu,
qınaq oldu, danlaqlar oldu…

Hamısı bir yana
sən nə çox balıq yeyirsən?
Mən səni tanıyalı
əlimdə nə qədər balıqlar öldü,
balıqlar öldü….

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG