.
Azərbaycan Dövlət Pedoqoji Universitetinin (ADPU) etirazçı tələbələri oktybarın 23-də yenidən rektorla görüşüblər.
Bu dəfə də imtahanların keçirilmə qaydası ilə bağlı rəhbərliklə tələbələr arasında razılıq əldə olunmayıb. Bundan sonra tələbələr yenidən etiraz aksiyası keçirəcəklərini bəyan ediblər.
Universitetin rektoru Yusif Məmmədov AzadlıqRadiosuna müsahibəsində tələbələrin qaldırdıqları məsələlərin bəzilərinin nəzərə alınacağını deyib.
«Tələblərin arasında mütərəqqi məsələlər var. Onlar nəzərə alınacaq. İmtahanların formasında hər hansı dəyişiklik olmayıb. Biz sadəcə keyfiyyəti bir az artırmaq məqsədi ilə müəyyən üsullar haqqında fikirləşirik. Tələbələrin də bəziləri bununla razılaşmırlar. Çalışacağıq ki, tələbələrin istəklərindən çox da kənara çıxmayaq».
Son görüşdən tələbələrin narazı qalması və yenidən aksiya keçirəcəklərini bəyan eləməsinə gəlincə, rektor bundan xəbərdar olduqlarını bildirib:
«Bilirik, eşitmişik. Biz bir neçə fakültə ilə görüş keçirmişik, hərəsi bir fikir deyir, amma hesab edirəım ki, narazı olmazlar».
Oktyabrın 21-də ADPU-nin tələbələri smester imtahanlarının yazılı olmasına etiraz olaraq aksiya keçiriblər.
Tələbələr hesab edirlər ki, imtahanların yazılı olması rüşvətə yol açır.
Tələbələr hesab edirlər ki, imtahanların yazılı olması rüşvətə yol açır.