Keçid linkləri

logo-print
2016, 05 Dekabr, Bazar ertəsi, Bakı vaxtı 14:37
-

Nobel mükafatlı alman yazıçısı Herta Müller təcili əməliyyat üçün xəstəxanaya yerləşdirilib.

Səbəb mədə xorası xəstəliyinin ağırlaşmasıdır.

60 yaşlı yazar yaxın günlərdə Berndə qatılacağı kitab qiraəti tədbirini də, ümumiyyətlə bu ilə nəzərdə tutulan bütün tədbirlərdə iştirakını da ləğv edib.

Alman mediası konkret olaraq söhbətin mədə xorasının perforasiyasından (deşilməsindən) getdiyini yazır. Bu halda mədənin, yaxud onikibarmaq bağırsağın içindəkilər xora deşiyindən qarın boşluğuna tökülür.

Xəstəni yalnız cərrahi əməliyyatla xilas etmək olar. Çünki qarın boşluğuna çoxlu bakteriyalar keçmiş olur. Bu həm də dəhşətli ağrılar doğurur.

H.Müllerin əsərlərini çap edən “Hanser Verlag” nəşriyyatının sözçüsü Christina Knecht deyib ki, xəstəxanaya düşən yazıçının səhhəti tədricən normallaşır.

Əslən Rumıniyadan olan, 1987-ci ildən Berlində yaşayan H.Müller 2009-cu ildə Nobel mükafatı qazanandan sonra dünya boyu müxtəlif tədbirlərdə iştirak edir, öz kitablarını təbliğ edir, müxtəlif universitetlərdə, kitab yarmarkalarında çıxış edir, müsahibələr, avtoritar rejimlərə qarşı bəyanatlar verirdi.

Yazıçının 85 yaşlı anası Catarina Müller də Berlində yaşayır. O, alman mətbuatına deyib ki, Nobel alandan sonra qızı istirahətinə vaxt ayırmırdı.

Günün bütün mövzuları

XS
SM
MD
LG