-
Bakı şəhər sakini Xaqani Kirov şəxsi avtomobilini yandırmaq istəyib. Onun bu addımına səbəb Azərbaycan Respublikası Dövlət sığorta şirkətinin (ARDSŞ) Nizami rayonu filialından şikayətçi olmasıdır. 2013-cü il sentyabrın 2-də Hacıqabulda avtomobil qəzasına düşən Xaqani K. hələ də lazımi sığorta məbləğinin ödənilmədiyini deyir.
Şikayətçinin sözlərinə görə, dövlət sığorta şirkətinə məxsus "Cavid Servis" avtomobilə dəyən zərəri 6 min 480 manat dəyərində qiymətləndirib. İcbari sığortaya görə ona 5 min manat ayrılacağı və avtomobilinin təmir olunacağı bildirilib. Ayyarım ötəndən sonra zərərçəkənə yalnız 1480 manat ayrılıb. Xaqani Kirovun sözlərinə görə, “Cavid Servis”də saxlanan və hələ də təmir olunmayan avtomobilini çıxarmaq üçün ondan 200 manat istəyiblər. O, Maliyyə Nazirliyinə üz tutsa da, durum dəyişməyib.
ARDSŞ-nin Nizami rayon filialının direktoru Elmar Qasımov avtomobilə dəyən zərərin bütövlükdə 1480 manat məbləğində müəyyən olunduğunu və Xaqani Kirovun bu məbləğlə razılaşıb, sənədi imzaladığını söyləyir. Şikayətçi isə ona boş kağıza imza atdırıldığını deyir.
Direktorun sözlərinə görə, Xaqani Kirov məhkəməyə müraciət edərək yenidən ekspert baxışı keçirilməsinə nail ola bilər. Bu təkliflə razılaşan şikayətçi avtomobilini yandırmaq niyyətindən əl çəkib.
Bakı şəhər sakini Xaqani Kirov şəxsi avtomobilini yandırmaq istəyib. Onun bu addımına səbəb Azərbaycan Respublikası Dövlət sığorta şirkətinin (ARDSŞ) Nizami rayonu filialından şikayətçi olmasıdır. 2013-cü il sentyabrın 2-də Hacıqabulda avtomobil qəzasına düşən Xaqani K. hələ də lazımi sığorta məbləğinin ödənilmədiyini deyir.
Şikayətçinin sözlərinə görə, dövlət sığorta şirkətinə məxsus "Cavid Servis" avtomobilə dəyən zərəri 6 min 480 manat dəyərində qiymətləndirib. İcbari sığortaya görə ona 5 min manat ayrılacağı və avtomobilinin təmir olunacağı bildirilib. Ayyarım ötəndən sonra zərərçəkənə yalnız 1480 manat ayrılıb. Xaqani Kirovun sözlərinə görə, “Cavid Servis”də saxlanan və hələ də təmir olunmayan avtomobilini çıxarmaq üçün ondan 200 manat istəyiblər. O, Maliyyə Nazirliyinə üz tutsa da, durum dəyişməyib.
ARDSŞ-nin Nizami rayon filialının direktoru Elmar Qasımov avtomobilə dəyən zərərin bütövlükdə 1480 manat məbləğində müəyyən olunduğunu və Xaqani Kirovun bu məbləğlə razılaşıb, sənədi imzaladığını söyləyir. Şikayətçi isə ona boş kağıza imza atdırıldığını deyir.
Direktorun sözlərinə görə, Xaqani Kirov məhkəməyə müraciət edərək yenidən ekspert baxışı keçirilməsinə nail ola bilər. Bu təkliflə razılaşan şikayətçi avtomobilini yandırmaq niyyətindən əl çəkib.
