Siz Abbas Atilayın hazırladığı bu fotoreportajda İraqın Samirə (Samarra) şəhərində 838-ci ildə edam olunan Xürrəmilər hərəkatının lideri Babək Xürrəminin edam edildiyi yeri və həmçinin İslam arxitekturasının incilərindən sayılan Böyük Samirə Məsçidini görə bilərsiniz.
Babək Xürrəminin edam yeri - Samirə şəhəri
1
Sasanilər tərəfindən salınmış, ilk adı "Deyrün-Adi" olan bu şəhər Abbasilər sülaləsinə aid XIII xəlifə Mötəsim tərəfindən Deyr camaatında dörd min dinara satın alınmış və üzərində indki adı Samirə (Samarra) olan şəhər salınmışdı.
2
836-cı ildən başlayaraq Samirə Abbasilər ordusundakı Türk-Məmlük qrupları üçün ordu şəhərciyi kimi salınmışdı. Həmin dövrdə təqribən 35 min sakini olan bu şəhərdə indi 200 mindən artıq əhali yaşayır. Bu şəhərdə həmçinin şiə müsəlmanlarının 11-ci imamı Həsən Əsgəri və yaxınlarının məzarları olan ziyarətgah var. Şəhər əhalisi isə sünnü müsəlmanlar olduğundan bu şəhər İraqın ən qaynar yerlərindən biridir.
3
Bundan sonra Xilafət pytaxtı xəlifə Mötəsim tərəfindən Bağdatdan Samirəyə gətirilmiş və 892-ci ilə qədər bu şəhər İslam dünyasının mərkəzi olmuşdur. Amma Samirə türk ordularının təzyiqlərindən zəiflədiyindən 892-ci ildə Bağdat yenidən paytaxt olmuşdu.
4
Bu şəhər və 848-852-ci illərdə xəlifə Mütəvəkkil tərəfindən tikilmiş gördüyünüz bu kompleks Azərbaycan tarixində həm də Babək Xürrəminin edamı ilə hallanır.
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
