Keçid linkləri

logo-print
2016, 03 Dekabr, şənbə, Bakı vaxtı 04:43

MSK seçki şikayətini təmin etməyib



Oktyabrın 16-da Mərkəzi Seçki Komissiyasının (MSK) növbəti iclası keçirilib.

APA-nın məlumatına görə, iclasda MSK-ya daxil olan müraciətlərə baxılıb. Milli Şuranın prezidentliyə namizədi Cəmil Həsənlinin səlahiyyətli nümayəndəsi Mustafa Hacıbəyli 33 saylı Xətai birinci seçki dairə üzrə bir sıra seçki məntəqələrində seçkilərin nəticələrinə dair protokolların tərtibindən MSK-ya şikayət edib.

MSK katibi Arifə Muxtarova məlumat verib ki, MSK M.Hacıbəylinin müraciətini araşdırıb. Məlum olub ki, müraciət konkret faktlara əsaslanmır və ümumi xarakter kəsb edir. Ona görə də Komissiya müraciəti hüquqi əsası olmadığından təmin etməyib.

Mustafa Hacıbəyli müraciətinin əsaslı olduğunu və adı çəkilən DSK üzrə seçki məntəqələrinin yekun protokollarının real seçki nəticələrinə uyğun tərtib edilmədiyini bildirib.

MSK sədri Məzahir Pənahov isə deyib ki, müraciətlərin araşdırılması konkret faktlara əsaslanmalıdır. Faktlar isə göstərir ki, həmin DSK üzrə məntəqələrdə tərtib olunmuş yekun protokolları Milli Şuranın nümayəndələri, eləcə də ATƏT-in Demokratik Təsisatlar və İnsan Hüquqları Bürosunun müşahidəçiləri hazırlanmış müvafiq aktlarda öz imzaları ilə təsdiqləyib.

MSK üzvləri də çıxışlarında müraciət edənin şikayətinin sübuta yetirilmədiyini deyiblər. MSK açıq səsvermə nəticəsində müraciəti təmin etməyib.
XS
SM
MD
LG