Keçid linkləri

2016, 11 Dekabr, bazar, Bakı vaxtı 12:33

Azərbaycanda sürüşmə təhlükəsi artıb


Azərbaycanın sürüşmə zonalarında intensiv aktivləşmə başlayıb. Bunu APA-ya açıqlamasında Azərbaycan Milli Elmlər Akademiyası (AMEA) Coğrafiya İnstitutunun landşaftşünaslıq və landşaftların planlaşdırılması şöbəsinin müdiri Elbrus Əlizadə deyib.

O bildirib ki, Bakı daxilində, özəlliklə Zığ massivində, Masazır ərazisində, Azərbaycanın rayonlarından Lənkəran-Lerik yolunun 16-17-ci kilometrliyində aktivləşmə fəallaşıb.

E.Əlizadə qeyd edib ki, Şamaxıdakı Muğanlı kəndi ərazisində, Muğanlı-İsmayıllı yolunda və digər zonalarda da fəallaşma başlayıb:

“Belə getsə, sürüşmə ərazilərində aktivləşmənin sürətlənmə ehtimalı çox böyükdür. Əgər yağıntılar bir neçə gün də davam etsə, sürüşmə sahələrində sürətlənmə artacaq”.

Coğrafiya İnstitutunun şöbə müdiri bu gün üçün ən təhlükəli sürüşmə zonalarının adını da açıqlayıb.

O bildirib ki, hazırda ən çox təhlükə zonalara Bakıdakı sürüşmə sahələri, Şamaxının Muğanlı kəndi, Muğanlı-İsmayıllı şosesi, Ağsu aşırımı, Lənkəran-Lerik yolu, Bakı-Rusiya yolunun Siyəzən, Şabran rayonu ərazisindən keçən hissəsi (Vəlvələ çaya kimi) daxildir.

Günün bütün mövzuları

XS
SM
MD
LG