Keçid linkləri

logo-print
2016, 03 Dekabr, şənbə, Bakı vaxtı 17:53

Rövnəq Abdullayev: «Quyunu xilas edək»


-
«Bulla-Dəniz» yatağındakı quyuda təmizləmə işləri başa çatdırılıb, hazırda vəziyyət normaldır.

Bu haqda ARDNŞ-in prezidenti Rövnəq Abdullayev jurnalistlərlə söhbətində bildirib.

Onun dediyinə görə, hazırda ərazidə Azərbaycan Dövlət Neft Şirkətinin (ARDNŞ) və «Hellenic Petroleum»un əməkdaşları işləyir:

«Biz istəyirik ki, quyunu xilas edək. ABŞ-dan avadanlıqlar gətirilib. Artıq hava şəraiti yaxşılaşdığı üçün həmin avadanlıqların quyunun ağzına keçirilməsi istiqamətində hazırlıq işləri görülür. Bu işi ya quyu yana-yana, ya da alovu söndürərək həyata keçirəcəyik. İmkanlarımızdan maksimum istifadə edirik ki, quyunu xilas edək».

«Bulla-Dəniz» qaz yatağı Bakıdan 80 kilometr cənubda açıq dənizdə yerləşir. Qəza baş vermiş 90 saylı quyuda qazma işlərinə 2012-ci il noyabrın 6-da başlanılıb (dənizin dərinliyi – 26.5 metr). Avqustun 17-də gecə saat 23 radələrində 5 868 metr dərinlikdə qazma zamanı quyuda qaz təzahürləri müşahidə olunub. Sonra quyu açıq qaz fontanına keçib və yanğın baş verib. Yanğın hələ də davam edir.

Günün bütün mövzuları

XS
SM
MD
LG